ظالم يا قلبي / بقلم صلاح محمود عفيفي
ظالم يا قلبي.......
ظلمت ليه
قلب اللي جالك
يشتكي قسوة هواك
غلطان يا قلبي
مش ح أكون أبداً معاك
وأظلم معاك ضحكة حبايبي
اللي باعوا الدنيا لما
طاف هواك ناحية هواهم
وإشتروك
ولا مّرهّ خانوا وداد عنيك
ليلهّ وباعوك
تكونش حيلهّ الهجر منك
لأجل يرضوا يوّدعوك
إنت اللي ح تعاني البعاد
وتعيش وحيد
وف كل ليله ح يجرحك
فيها العناد
خسران أكيد
و تقول يا ريت
خليك سعيد بالود
يا وعد الوداد
وإرسم طريق الورد
بالشوق للمعاد
وإرجع بلاش العِند
وإرجع روق يا قلبي
وإرجّعبي نحبي بعيد
عن الليل والجراح
وإطلّعبي تاني نعيد
معاني الإنشراح
وإرسمبي فوق شط البراح
أفراح تعيد
أجمل أماني العمر
تنطقلك صباح...!!!
شعر
صلاح محمود عفيفى
تعليقات
إرسال تعليق