صباح الخير بقلم / عزه موسى السعدني

 صبااح الخير

صباح الخير على بلادى 

صباح هادى صباح نادى 

يا أجمل وردة يا بلادى 

بحبك حب مش عادى 

يا كل الخير وبتنادى 

تعالوا في حضنى يا ولادى 

بحبك أه لكن فيكى 

حاجات كتير بتإذيكى 

وتأذى إللى يراعيكى 

وكل واحد قاعد فيكى 

عاوز  يهجر أراضيكى 

مع إن الخير كتير فيكى 

لكن ولادك مش ليكى 

كتير أوى ماتوا فيكى 

عشان يحموا أراضيكى

وياما عشت أقول ليكى 

ياريت أبقى أنا فيكى 

حياتك وضى عنيكى 

تحافظى عليا وتحمينى 

وأنا بروحى راح أفديكى 

وحتى لو هبات عطشان 

ونهر النيل سكن ليكى 

وقلبى إللى بات مقهور 

بيدعى ربى يحميكى 

بحبك أه وأموت فيكى

عزه موسى السعدني مصر