أيام زمان/ بقلم ابراهيم خضر
أيام زمان
،،،،،،،،،،،،،،،،،،،،،،،،،،،،،
ريحة زمان والطيبة والعمر اللى كان
والناس الكانت لا تعرف كدب ولا بترضى بهوان
ريحة ابويا وستى وسنين الأمان
وقلوب بتحب الله وتقية ومؤمنة
لسه صورتها في عينى وفى ننى أنا
لسه ريحتها في قلبى وحياة ربنا
أيام جميله وكلها إحسان وخير
لسه بحن لناس كانت عايشه بضمير
لسه الدموع علشانها بتنزل كتير
وأنا بفتكرها وقت الصبا والقلب كان رايق سليم
والمسندين والمصطبه وشكمه البيت القديم
وحضن أبوك والطبطبه بيفكروك
أنك يتيم وتلاقي فى عنيك الحنان
ومش لاقي الوفا وواقف على كل البيبان بتشحت
من الخلق الدفا فاتحن من تانى لايام زمان
وريحة الزمان ومكان التولد فيه
لسه حنينى واشتياقى وحبى بيفكرنى بيه
يرحم زمان وأيام زمان
بقلم الشاعر ابراهيم خضر
تعليقات
إرسال تعليق