حكم السنة / بقلم الشاعر أمير زكريا
بمناسبة. اليوم ذكرى ثورة 30 يونية ...كتبت الآتى.
..........حُكم السنة..........
تحكم الأخوان فينا سنة...
وكنت طفران منهم أنا،
من عيشة غم وبدون هنا...
قالوا الشعب أختارهم،
وأنا قلت على نفسة جنى...
دى جماعة ما أحقرهم،
والشر منهم يتجنى...
قالوا هنحكمكم 500،
قلنا ولا نتحملكم سنة...
فاقت الناس من أختيارهم،
وبعد السنة على الجماعة جنى...
زادوا فى إرهابهم،
والشعب ما هابهم،
وأستمروا فى العكننة...
كالكلب الجريح،
هوهوة ونباح،
ولا عندنا منهم مشكلة...
دا معانا شرطة وجيش،
للأرهاب مايخلوش،
كلب منهم يسمعنا الهوهوة...
ويعيشهم فى ذل ومسكنة...
مبادئهم صهيونية،
وماتنفعش فى الدولة دية،
دى دولة الدين والجدعنة...
لا إخوان ولا سلفيين،
يحكمو مصر بأسم الدين،
ماهو مالهمش فى المرجلة...
ولما جالهم يوم 30
أدركوا أننا فاهمين،
ورمناهم فى المزبلة...
خلو بالكم يامصريين،
بلاها أخوان أو سلفيين،
دول أساتذة التفرقة...
دا رسولنا قال أن الدين،
وسطى وللعدل موازين،
مش تطرف وبهدلة...
ودايما هتعيش مصر،
مرفوعة الراس بكل عصر،
بشرطة وجيش وشعب
راضعين الجدعنة...
ومتربين على المرجلة...
وفاقت بلدنا،
وأنتصرت مبادئنا،
والشر كان عمرة بس... سنة...
#كلماتى.
#شاعر ومفكر.
#أمير زكريا.AZ.
30/06/2023
تعليقات
إرسال تعليق