الحب شيء جميل / بقلم الشاعر عزت صميده

 الحب شيئ جميل 

الحب زى الزرع 

يكبر مع الأيام 

واللي بيخلص فيه

بيحقق الأحلام 

الحب للمشتاق 

أحلى من الترياق 

بيصبر الملهوف

ويقرب للأشياء 

الحب ياأحباب 

ماتمنعوش أسباب 

بيخلى رجل الحبيب 

تجرى لحد الباب

الحب شيئ جميل 

بيعمل المستحيل

بيقرب المسافات

ويداوى كل عليل

الحب مالوش جيره 

بيقوى نار الغيره 

واللى يحكم عقله 

عمره مايعرف حيره

اللى يحبك حبه

اءوعاك تدوس على قلبه

واللى يبيعك بيعه

ماتروحش تطلب قربه

ونصيحه منى اءليك

شيل الحبيب فى عنيك

اءوعاك تحب عليه

لا النار فى يوم تكويك

عزت صميده