عليكي طمنيني / بقلم الشاعر ابراهيم خضر
عليكى طمنيني
**************
مش قادر أتحمل
حياه من غير حنان
لو عايزانى أنا أكمل معاكى
لازم احس بأمان
قلبى من أحزانه خاف
من الليالي والظروف
بس متعشم يشوف
فرحة وانتى بتحضنينى
طمنينى أنى ليكى وانتى ليا
وانى لو أغمض عينا
ليلة بعدك كتير عليا
بكره تيجى وتحضنينى وتعوضينى
من اللى ياما راح عليا
من حبايب غدروا بيا
من الخيانة والقسية
جرحوا قلبي وبكو عينى
طمنينى على الباقي
من حياتى أنى عايش
لما يوصل اشتياقي
أنا عندى حب ما ينتهيش
تبقى من لمسة ايديكي
من حياتى بتسرقينى
عينى لو تيجى فى عينيكي
تبقى بحنانك تسحرينى قربينى
من اللي ياما حلمت بيه
واللي أنا بدور عليه
حضن دافي أحس ليه
قلب طيب يحتوينى وعيشينى
كل حلم حلمت بيه
واللى أنا كان نفسى فيه
قلبي اتحقق أمانيه
لما معاكى تعيشينى
يلا نعيش اجمل احساس
لما أغنى وتسمعينى
أنا عاوز انسى كل الناس
وأنا اكملك وتكملينى
طمنينى وكلى ليكى
واوعدينى ماتسبينى
حبى فيا وأحب فيكى
أنتى كل حاجه ليا يا ضى عينى
طمنينى
بقلم الشاعر ابراهيم خضر
تعليقات
إرسال تعليق