يا بايع الود / بقلم الشاعر ابراهيم خضر
يابايع الود
يابايع الود هان عليك
قلبى جرحك جواه مد
خسارة فيك حبى
مكنش ده الوعد
ولا كن ته فيك أملى
لاصنت يوم عهد
ولا فكرت يوم تفرحنى
يابايع الود
أسمع بقى منى
كفاية بقى تعد
أيام عليا وتظلمنى
بتسقينى كأس المر
واقول نصيبي وبختى
خلصت كاسات الصبر
وأنت آه بتنتقم منى
كأن مكنش بينا حب
ولا كان مبينا يوم عهد
يابايع الود
مدام هواك ودعنى
لا فارق معاك بعد
ولا كانت قريب منى
بلاش تتكلم عن الود
أصل كلامك بيوجعنى
هو انت معندكش قلب
طول عمرك آه معذبنى
أنا عندى ليك حل
يريحك ويريحنى
اتهنى بايامك وابعد
وملكش دعوة بقلبى
طريقك عذاب وغلب
وكفاية كده على قلبى
يابايع الود
ودعت أنا هواك
مبروك عليك هجرى
وسيبنى أنا وقلبى
بقلم الشاعر ابراهيم خضر
تعليقات
إرسال تعليق